---
title: "Ditado 1 · Unha tarde en Cambados · Textos para o docente"
author: "Luis Vilela Acuña"
lang: gl
---

Acentuación e plural das palabras en -l · Textos para escoller. Todos traballan a mesma regra; a ficha e o ditado repetido serven para calquera deles. O alumnado marca na ficha a letra do texto.

> MiClase colga o exame dun instrumento de tipo proba escrita, que conta para a nota. Para un uso formativo, comproba antes se admite peso cero.

# A · Unha tarde en Cambados (Narración, 72 palabras)

A miña curmá e a súa irmá viven en Cambados, a vila de Ramón Cabanillas. Onte paseamos pola beira do mar e lemos dous poemas. Que bonitos eran! Despois atopamos unha ponte vella, chea de musgo. Entre as pedras durmían uns animais pequenos. Ademais, alí había moitas árbores e unha música que soaba docemente desde as casas. Escribimos os versos en papeis de cores e cantamos dúas cancións. Volveremos tamén o mércores?

**Palabras clave (numeración da presentación e de MiClase):**

1. **curmá**: Feminino de curmán: -án cambia a -á. Non se di «curmana».
2. **irmá**: Feminino de irmán: -án cambia a -á. «Hermana» é castelán.
3. **súa**: A u é tónica e vai separada da a (hiato): leva til.
4. **Ramón**: Aguda rematada en -n: leva til.
5. **Que bonitos eran!**: Exclamativo sen til. En galego abonda normalmente co signo do final.
6. **Despois**: Palabra galega. «Después» é castelán.
7. **durmían**: A i é tónica e vai separada da a (hiato): leva til.
8. **animais**: Plural de animal: aguda en -l cambia -l por -is. Remata en ditongo: sen til.
9. **Ademais**: Aguda rematada en ditongo decrecente (ai): sen til.
10. **alí**: Aguda de dúas sílabas rematada en vogal: leva til.
11. **árbores**: Esdrúxula: leva til sempre.
12. **música**: Esdrúxula: leva til sempre.
13. **docemente**: Os adverbios en -mente non levan til.
14. **papeis**: Plural de papel: -l cambia a -is. Remata en ditongo: sen til.
15. **dúas**: A u é tónica e vai separada da a (hiato): leva til.
16. **cancións**: Aguda rematada en -ns: leva til.
17. **tamén**: Aguda rematada en -n: leva til. «También» é castelán.
18. **mércores?**: Esdrúxula: leva til sempre. En galego abonda co signo do final; o de apertura é opcional.

**Datos e fontes.** Ramón Cabanillas (1876-1959), poeta de Cambados. O texto é unha narración persoal sen datos que verificar.